الغاز شعبيه حياكم

انشد ك عن رجلا اخذ من البيض ثنتين

يرقد بينهن وكلا يشوفه

لا اخذهن بدعه ولا اخذهن على الدين

والكاف لتوضيح اول حروفه

واظن عــــــاشق وضحـه لكــم زين

والذكي منكم ماضني يطوفــه

الجواب (( ورقة الكربون ))
..................................................................................................

يا ويش شيخا كل همه ركوع وسجود

جسمه نحيل ودمع عينه جاري

ملازماللخمس والناس في هذا شهود

يعمل طوال العمر في خدمة الباري
الجواب (( القــــــــلم
.............................................................................................................
ويش رجلا يندبونه في المواقف الخطيره

والمعارك خاضها والبطن مليان اطعونه

جاء منها بالغنيمه ياعسى في الامر خيره

هو جزاء من خاض بالميدان قاموا ينطلونه

الجواب ((القــصـد يــــــــــــر ))
....................................................................................................................
انشدك عن شي وجوده ولا شي

يفزع الياحس الزعيم باهلا كي

ينقـذ الزعيـم اذا مر في موقف سي

اليا شارف للخطر والهلا كي

الجواب (( العرق الحتياطي في ساق النسان ))
......................................................................................................................


انشدك عن رجلا كبيرا مقـــامـــــه

يامر وينهى دون رجلين ويدين

احيان الناس تبغى منه السلا مــــه

تمشي في دربه في جميع الميادين

الجواب (( التقويم ))
.............................................................................................
انشد ك من غمرا شبــــــابه اسبوعيــــــن

وبعــــــد اسبوعـــــــين ينثنــــــي شايـــــب

وكلا يحبـــــــه غيـــــر طلا بة الد يـــن

ومد وره الا فـــــاق فـــــــوق النجايـــــــب

الجواب ((القمـــــــر ))
.........................................................................................
انشد ك عن رجال من دون رجليـــن

وله عنـــــد الناس قـــد ر وشـــــــيمه

اسرع من الها تف ومن ارماشة العين

ولا هو ظالم ولا يحب الظلـــــيمه

الجواب (( ملك المــــــوت ))
...................................................................................................
انشد ك عن ثنتين في موقع الياس

الله خلقهن في الاوادم علامه

لاهن ولد جن ولاهن ولد ناس

من رافقنه ماتشيله اعظامـــــــه

الجواب (( نصايب القبر
.................................................................................................
وش لك من عذرى تستر الناس

والناس تعشقها ولاهي عشاقه

ماتاخذ الى من توده وبقياس

كمواحدا جاها وانحاش من غثاها

الجواب ((البدله العسكريه )) ههههههههه يصلح للعسكرين ههههههه ادزه مسج
........................................................................................................................






ياويش شي فيه خمسة رياجيل

لاانس ولاجان ولاهن بضاعه

اولهم اليا مات باقي بهم جيل

صاروا ثمان كلهم جما عه

الجواب ((اسم عثمان ))
..................................................................................................
انشدك عن عذرى رقيقة حال

لها في كل الامر سريه

عذرى لجيل يعقب اجيال

بامر من الوالي رب البريه

الجواب ((الوصيه ))
...............................................................................

ويــــــش شايــــــب يدينـــــه في امتونه

لامسكله صيدة مايجيه الى اعياله

يسهر اليل الطويل ولاتحقق في اعيونه

وان نصاه المعتدي ياقف على احياله

الجواب ((القفل ))
....................................................................................
رجلا يمشي الليل كله

جاه الضحى من ماقفه مامشى بوع

في صوح لوح مايغادر محله

تلقى جوابه على القراطيس مطبوع

الجواب ((عداد الكهرب))
.............................................................................
انشدك عن اغلام من دون تفصيل

يلقح لقاح ماتمسه جنابه

حرام لاكن حل عقب الغرابيل

معروف في عصر النبي والصحاب

الجواب ((الصميل ))
........................................................................................
يالي تحل الغز مليان لك انت

رجلا فهيم للمعاني تحلي

انشدك وش بنت تعلت على بنت

ورجالهن من فوقهن مستقلي

الجواب ((الطاقيه والغتره والعقال ))
.....................................................................................
انشدك عن عذرى طويلا جعدها

ماهيب جنيه ولامن الناس

تضرب بسيف ماتشيله بيدها

سيف لمنه ورد قطع الياس

الجواب (( الحيه ))
...................................................................................

انشدك عن حي ينقله ميت

ولامشى الحي صاح الميت

الجواب (( الجرس
....................................................................
انشدك عن رجل كريه وله ثلاث سنون

لاطاحة اسنونه جن لو مايدخله جني

وكلا يكرهه ولكنوقت اللزمه له مضمون

ورد ذكره بايات في كتاب الله يتلني

الجواب((السجن ))
....................................................................
ياويش بنت مالها مذهب ولا مله

بنت شهرها لك الله فعلها الرايع

فرقت بين التشابه كيف بسم الله

والي عشقها عن دروب السنع ضايع

الجواب ((البوصله ))
.....................................................................................
اسمعوا يالي تحلون الاغاز

لغز على شان النشامه نعده

ياويش بنت دوم ماتشرب القاز

والي طلع منها لهلها ترده

في وسط ورع دوم هماز لماز

ورع يكد البنت وهي تكده

الجواب ((شريحه الجوال ))
..............................................................................................
انشدك الي يفهمون الامعاني

الي لهم في حل الاغاز عاده

عن اخوة لهم مقام وشاني

ولهم في كل العروبه سياده

ان غاب واحد يشغله مكاني

وان زدتهم مايقبلون الزياده

الجواب ((حروف الهجاء ))
.......................................................................................
انشدك عن واحدا ذباح

عند العرب دايم غالي

يذبح خويه من دون السلاح

وفي النفس فنه ما زالي

الجواب ((النوم ))
..................................................................................
ياجماعه جبت انا الغز من خمسة حروف

ومن ورد بالحل وعجل ذا شخص فهيم

وش بنت من قشرها غمضه ماتشوف

لو تشوف اشوي تجمح وصار الي يصير

الجواب (( القنبله ))
-----------------------------------------

انشدك عن عذرى تزوجها غشيم

وعند اهل العلم جيزتها حرام

بناتها عشرين يلقاها الفهيم

واذا اخذها الرجل راحت عدام

الجواب (( بكت الدخان
..............................................................................................
انشدك عن بنت فيها الخير والشر

موجوده منذا العصور القديمه

تظربها الامثال وبطيب تذكر

واخر حياة البنت صارت عديمه

الجواب (( النار
.....................................................................
انشدك عن طيرا ولافيه جنحان

اسرع من البرق والي ذكر مسيره

في ساعته يوصلك لندن وعمان

وفي للحظه ياصل جميع الجزيره

الجواب (( الهاجوس
................................................................
انشدك عن ثلاثه اجياد

اصايل البعد جابنه

الناس تفنى وهن اجداد

واذا زعلن على الحي ما ارضنه

الجواب (( الطلاق ))

..........................................................................
انشدك عن رجلا يعلق بساقيه

وراسه على سلةى الخطر مايخافي

وفيه النفس وجماد باقيه

مسكين جلده مايضفي على جسمه الضافي

الجواب (( المنفاخ النار ))

...........................................................................................
انشدك عن عذرى تخيف ولا تخافي

عند بعض الناس دايم ماتغيب

وان سئلها والي يبي كشف الخوافي

تفضحه ولو كان امره عجيب

الجواب (( البصمه ))

........................................................................................
انشدك عن رجلا سريع اذا جاك

رجلا لمنك دعيته يجيلك

يفهم هدفك ثم يعرف نواياك

يقبض عليك ثم يخلي سفيرك

الجواب (( اللفت او المصعد الكهربائي
.......................................................................................
انشدك عن رجال يمشي قدام وورى

مستمر في التقدم وارجوع

مايخاف لو يقابل عنترى

خلقه الله لا عيون ولاسموع

الجواب (( المنشار ))

...................................................................................
انشدك عن رجلا ركب خامس الخمس

بطنه كبير ولايذوق الطعامي

ماسئل عن ظل ولا سئل عن شمس

وان طب في بحر الهيام مايهامي

الجواب (( الخاتم
.............................................................................................
وش لك من رجال في الخير مملوح

طبعه كريم وانساء مايحبنه

وياكم صبر من مره ومامعه روح

بسبايب ورعه والبني عذبنه

الجواب (( انجر ))

.............................................................................
انشدك عن عذرى لها مستوى زين

عشاقها واجد وبكل النواحي

من شانها العالم يروحون قسمين

وكلا يطنب فوقها بصياحي

بنت اليا طبت بخطوة الميادين

من حرصهم صكوا فوقها بسلاحي

الجواب (( الكورة ))

---------------------------------------------
انشدك عن رجلا تنسم بلا روح

من خلقته الدنيا ء وكلا يشوفه

في كتاب ربي ناجده وسط الوح

شكله غريب عاجزات وصوفه

الجواب (( الصبح ))

..................................................
انشدك عن بنت تجي للخطيه

بنت لها راسين وتقول ياعم

بنت على الميزان ماتجي وقيه

بنت تمشي على الاقدام ماتنقل الدم

(( عصاة موسى عليه السلام ))
........................................................................................
سرحت مع راعي المجاهيم ووفيت

وسرحت مع راعي المغاتير واوفي

وان ردني راعي المجاهيم رديت

ماني على الدنياء كثير الحسوفي

الجواب (( الشيب والشباب ))
.......................................................................................................
انشدك عن بنت لشيوخ مسماه

تنقل ولدها دايم في ظهرها

وان مات ولدها ماتة وياه

وان ماتت يلقى هو بدلها

الجواب (( بطاقة الاحوال ))

------------------------------------------------------------------------------
يالي سمعت الغز عبر الجهازات

نبغى حلول الغز كلا ومده

انشدك عن بنت على طول الاوقات

تاقف طول اسنينها مستعده

تامر وتنهى بلاصوت واسكات

وملا يطاوعها حشى ماترده

الجواب (( اشارة المرور
...............................................................................................
انشدك عن عود يجرونه اثنين

يمشي على راسه ورجله في قفاه

مجود وبين من يسار ومن يمين

عناه رب البيت ويامقوى عناه

الجواب (( المحراث
...........................................................................
وش الصديق الي تحبه وتغليه

من زود حبه ودك انه بعيدي

مادام انه بعيد مواريه

واذا اقترب يضيق صدرك اكيدي

الجواب (( النظر
.......................................................................................................

انشد ك عن الي ساكن ساحة البر

يرقى القصور العاليات مزاجه

في البر موجود وفي البحر مامر

الي على الجواد ياخذ خراجه

واذا جهلت ارجع الحديث ابو ذر

الي رواه الترمذي وابو ماجه

الجواب (( النمل ))
...........................................................................................



انشدك عن حي في البحر مي

يشرب ولاياكل وهو في محيطه

نابت من الماء في البحر مصدره مي

عجزت احدد موقعه في الخريطه

الجواب (( الجنين ))

.............................................................................................................