اقوى مسجات للصداقه

ابيك تعرف ان لك صاحب بكل مافيه
يغليك .....
بكل ماعطاه ربي من احاسيس
يحتويك .....
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "



فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه



انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك



قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني



تعبت ادور بين الاجواد صاحب
وعندي مفاهيم الصداقة عظيمة
وادري الصديق بكل الاحوال ساحب
واحذر صديق السوء حكمة قديمة
احب راعي الطيب والجود والواجب
ناس مثلك تحشم وتستحق الحشيمة



من نسى في زحمة الدنيا رفيقه
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني



جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم



اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!



شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه



والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه
............................................................................................
انت مثل الذهب
مهما علا فوقه غبار
يبقى مدى الايام سلعة ثمينة
ومثل المطر مهما المطر هل مدرار
لو غاب عام صاحوا الناس وينه
ومثل البحر غلطان من قال غدار
وموجه يعالج كل عبره حزينة

..........................................................................
مانساك لو ينسى الكحل سود الاهداب .... وشلون تنسى العين صافي نظرها
..............................................................................................................
تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات
..................................................................
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
.................................................................

قدرك كبير وصحبتك ترفع الراس ... فوق الغلا تملك وسام الصداقه
.....................................................................................
كلن يقول ان الوفا صعب نلقاه .... وانا اقول ان الوفا فيك مخلوق
..........................................................................................

(إلــــــــهي)
لي صحبة بين الضلوع في حنايا القلب مأواهم..
هم أهل ودي تسعد الروح بذكراهم..
هم معدن الخير في الناس طابت سجاياهم..
فيارب أحفظهم وزدهم في مزاياهم..
وبلغهم مناهم وإغفر لهم خطاياهم..
"آآميــــــــــــــــــــن
..............................................................................
أبي صاحب صادق يبيع الناس ويشتريني ** أبي قلب لو ضاقت بي الدنيا مايخليني
....................................................................................

تبقى رفيقي مثل ماكنت أناديك
وتبقى حروف اسمك بقلبي معاني
إن جيتني باقول يامرحبا فيك
وبحرسك بعيوني وداخل كياني
وإن رحت عني بادعي الرب يحميك
ويحفظ رفيقي لوغبت عنه ونساني
..................................................................................
دامي على الدنيا وأشم النسايم
والله ماأبيعك يارفيقي وأخليك
لو حال من دونك بغيض ولايم
مغلييك مهما كلف الأمر مغليييك
ولوصار من دونك جدال وشتايم
أبيع عمري وافتخر يالخوي فيك
................................................................
ليتنا مثل الاسامي ما تغيرنا السنين.. ليت صداقتنا مثل الموت صعب تنعاد مرتين
..............................................................................................................
انت الذي تشبه القمر في شهر شعبان \\\\\\ وانت الذي طيبك مثل نفخت العود
........................................................................................................
يامرحبا واهلين يانسل الاجواد يابن الرجال معربين النسايب الف التراحيب مرحبا زود واعداد مالاحت بروقن وهلت سحايب برسالة اللي من عريبين الاجداد من صلب قوم تعرف عند الحرايب
.......................................................................................................................
لي احتمى الموقف و صدوا و خلوك و ضاقت بك الدنيا و لا فيه فزاع ابشر بعزك لعنبو من عادوك تامر علي و انا اجيك بياع لا تشتكي الدنيا و انا حي يا خوك راسي وكلي لك انصاع
.........................................................................................................
لك سلام من قلب يحبك ولك تحية من ضمير يغليك و روح تودك و نفس تعزك
....................................................................................................
احدن علي ربعه
شجرتن مظله..
واحدن علي ربعه
سموم ولواهيب..
واحدن علي ربعه
عباله وعله..
واحدن سلامه يبري
الجرح والطيب..
وانت اللذي يامالك
الطيب كله..
تاج الكرم وماوجد
بك عذاريب..
.......................................................................
احذر تبيع اللي من الناس شاريك .. وافطن على اللي مايودك موده .. دور على اللي من الناس يغليك واترك النذل العن ابو جد جده .. ترى الزمن اليوم مثل الشبابيك .. تفتح على كيفك وتسد اللي تسده