احنا لو نكتب عشقنا ضاقت اورق الدفاتر ..

احنا لو نكتب عشقنا ضاقت اورق الدفاتر ..




في خفوقي لك حكايه ضمها كتاب المشاعر
وفي عيوني لك مدينه ياحلوها من مدينه

انت لو تامر على روحي من غلاتك بس تامر
فدوى روحي من غلاتك والله ماهي بالثمينه

شفت عاد اش قد غالي .؟لا وعندي شي اخر
كل هالعالم بدونك اشبه بدمعه حزينه

احنا قصتنا قديمه وحبنا صادق وطاهر
انقى من حبة رذاذ فوق خد الياسمينه

احنا لو نكتب عشقنا ضاقت اوراق الدفاتر
وان كتبنا شي تبقى اغلب كنوزه دفينه

انت تبحر في عيوني وانا في عيونك اسافر
فوق غيمه من محبة لاشراع ولاسفينه

جيت لك كلي وضوح بلاقناع ولامظاهر
وجيتني من طيب اصلك لاغرور ولاضغينه

تذكر بأول لقانا كيف خانتنا الحناجر
الحكي عيا وحروفه في حناجرنا سجينه

وكانت عيونك مرايا بعثرت اوراق شاعر
وكنت اقرا في عيونك رعشة الشوق وحنينه

كانت الفرصه دقايق عشتها مثل المغامر
مرني فصل العواصف والهداوة والسكينه

تصدقي من بعدها صارت ضلوعي منابر
كم تعلاها خفوقي يشجب البعد ويدينه

بصراحه في غيابك تنغلق كل المعابر
كل هالدنيا بدونك تنقلب صحراء وشينه

افتدي نظرة عيونك واشتريها بألف خاطر
ومن غلاتك بس عندي عيني صارت لك مدينه
ـــــــــــــــــــــــــــــــــــــ

مكشورر اخووي الفصيــده
وبصرآحه بهآ آبيآت جميله.. وكلماآت رائعه
ويعطيك العافيه وماتقصر
تقبل مروري

Mr.MaJOoDy

العفو اخوووي ع المروور

منور المنتدى بتواجدك

يعطيك العافيه على القصيده